Albisteak

XI. IDAZLAN KOADERNOAK eta, eskutik, IRAKUKETA EKITALDIAK

2012-04-18

Gernika-Lumoko Udaleko Euskara Zerbitzua eta Hezkuntza Arloaren eskutik, udalerriko irakaskuntza zentroekin elkarlanean XI. IDAZLAN KOADERNOAK argitaratu dira, hamaika urteko ibilbidea beterik.

Horri lotuta, argitalpenetarako PORTADA LEHIAKETA garatu da eta apirilaren 19 eta 20rako irakurketa ekitaldiak antolatu ere.

Gernikako-Lumoko bonbardaketako AHOTSAK

2012-01-30

Gernika-Lumoko Udaleko Euskara Sailak Badihardugu elkartearekin 2009an hitzarmena sinatu zuenetik, lan emankorrari eutsi dio. Helburua: GERNIKA-LUMOKO AHOTSAK jaso, 80 urte inguruko 50 lekukoren berbakera grabatu, digitalizatu eta interneten ikusgai/entzungai jarri. Hori guztia, Badihardugu elkarteko Nerea Goiria teknikariaren ardurapean eta Euskara Zerbitzuaren elkarlana bitarteko. 

Egitasmo horren barruan, BONBARDAKETAKO AHOTSAK aurki ditzakegu eta hona hemen gure omena eurei 75. urteurren honetan, biktimekin eta euren euskera goxoarekin bat eginik. Klikatu eta entzun:

• http://www.ahotsak.com/albisteak/handik-hiru-ta-handik-beste-hiru-errefujixora/
• http://www.ahotsak.com/albisteak/etxekoen-berri-barik-ezinegona-nagusi/
• http://www.ahotsak.com/albisteak/zerua-goian-eta-lurra-behean/

2010ean esaten genuenez, irudi bako hainbat grabazio ere errekuperatu dira, Udal Euskaltegiko Josu Erkiaga irakasleak eta Gernikazarra Historia taldeko Alberto Zarrabeitiak beste zeregin batzuetarako duela urte batzuk egindakoak.

Orain arte egindako lanari 2012koa erantsi beharko zaio. Horrek, indarrean dagoen konpromisoa bukatzea ekarriko du, baina lanarekin jarraitzeko bide berriak irekiko zaizkigu. Bihar-etziko euskaldunek eskertuko digute.

Lotura: www.ahotsak.com

Jorra tokiak

• Familia
• Hezkuntza
• Lan mundua eta elkarteak
• Alfabetatze euskalduntzea
• Aisialdia

Gehiago ikusi