Albisteak

GERNIKA-LUMOKO TOPONIMIA KONTSULTAGAI HEMEN

2013-03-18

Gogoratzen duzue? 2011ko azaroaren 30ean Gernika-Lumoko toponimia liburua aurkezteko hitzaldia izan genuen, Iratxe Lasa (Euskara Teknikaria) eta Mikel Gorrotxategi (Euskaltzaindiaren Onomastika Batzordeko Idazkaria) hizlari. Orain, informazio hori web gunerako egokitu dugu eta datu basea hemen dago:  GURE LEKU IZENAK

Orduan ere esaten genuen lana ez zela hor bukatzen. Liburu horretan oinarritutako datu-basea nahi genuen bihurtu biltoki, aurrerantzean egin beharreko aberaste, zuzentze eta zehazte lanetarako eta, hori lortzeko, webgunea erakusleiho.

EUSKARAREN PLAN ESTRATEGIKO BERRIA: partaidetzarako bilgunea

2012-12-28

Iazko azaroan Plan Estrategiko berria eratzeko partaidetzarako proposamena onartu zenetik, pausu garrantzisuak eman ditu Euskara Batzordeak:

- Lehena: Abenduaren 19ko batzarrean egindako hausnarketa (euskararen egoera orokorra Gernika-Lumon; pozteko eta kezkatzeko faktoreak). Jakitun egon gura baduzu, sakatu hemen .

- Bigarrena: otsailaren 20an bi hausnarketa burutzeko: (ikusi akta)

• Lehenengo atala (aktaren 1. eranskina): 2017 urtean euskararen egoera nolakoa izatea nahi izango zenukeen irudikatu. 
• Bigarren atala (aktaren 2. eranskina): helburu estrategiko bakoitzean ZER FALTA DEN gaur egun (hutsuneak) eta ZER EGIN DEZAKEGUN 2017rako irudikatu dugun egoerara iristeko.

- Hirugarrena: maiatzaren 14ko batzarra, Plan berriak izango dituen 10 esparruetako ekintzak zehazteko hausnarketa (ikusi oinarrizko dokumentua). Hausnarketa osatzeko astirik ez eta maiatzaren 21ean izango du jarraipena batzar horrek.

Benetan partaidetza bizia eta aberatsa, ekarpenez beterikoa. Geure eskerrona parte hartzen ari diren eragile eta interesdun guztiei eta baita gonbitea parte hartu nahi izango luketen guztiei hurrengo batzarrera urreratzeko (maiatzaren 21ean, 18:30ean, Bakearen museoko alboko geletan).

Jorra tokiak

• Familia
• Hezkuntza
• Lan mundua eta elkarteak
• Alfabetatze euskalduntzea
• Aisialdia

Gehiago ikusi